وصية مرشد البذال لئبنه

أوصيك.. قال هذه القصيده الشاعر مرشد البذال رحمة الله عليه موصيا ابنه



1 يالله يارب الضعـوف المساكيـن
اللي لك المخلوق يحسـن صلاتـه

2 تستر على غوشن صغارن مكفيـن
أكبرهم العـارف دليلـه عصاتـه

3 لا يـا عيالـي كلبوكـم حبيبيـن
عندي وعند النـاس كلـن وذاتـه

4 عندي غلاكم يدفن الزين والشيـن
وعند العرب كلن تشاف اخملاتـه

5 يا عبيد أنا خابرك ورعن لهالحيـن
داوي بغبـات الجهـل وظلماتـه

6 لاشك علمي لـك محبـه وتفطيـن
تسمـع الوالـد وثبـت وصـاتـه

7 وصاة مخلوقن يعـرف القوانيـن
مافـاة عمـره بالجهـل والهياتـه

8 يا عبيد اناأوصيـك منـي بثنتيـن
ثنتين هن سـؤ البشـر وحسناتـه

9 أوصيك لاتبحث سـدود المغيبيـن
ولاتجهر اللـي غارقـن بغفلاتـه

10 ترى النميمه تمحق الرزق والديـن
والمنزل العالـي تهـدم اطبقاتـه

11 لاتحسبن أهـل الظليمـه بخيتيـن
كلن يوافق ما عمـل فـي وفاتـه

12 وانذرك حق الضعيـف المسيكيـن
اللي علـى حقـه يهـل اعبراتـه

13 ترى الضعيف الليا غدى الليل ليلين
يدعي وعنـد الله توافـق ادعاتـه

14 الظلم فان الظلم يفنـى السلاطيـن
ياويل راعي الظلم مـن مقبلاتـه

15 وانذرك عن ربعة رخو من هياسين
اللـي سوالفهـم بـوده وهـاتـه

16 ويا عبيد الأقشر لوصفا لك نهارين
نهار ثالث جـاك يرفـع عصاتـه

17 والله عندي ربعة الناس الأقصيـن
ولا صديقـا يبلشـك فـي حياتـه

18 ترى الرجال ابهم فهود وحياويـن
جاك الكلام اللـي صحيحـا ثباتـه

19 ان كان ما تدري ترى الناس دراين
الرجل مدحـه بالمجالـس طراتـه

20 رجلن تعلق به رجالـن مسلميـن
عـز الرفيـق ولابتـه والحماتـه

21 ورجلن تشوفه جسم وعيون ويدين
ولولا الشعر ما تفرقه مـن خواتـه

22 كم واحد بالبيت يضـرب بسيفيـن
وأن جاء حزم كلاب قبـع عبادتـه

23 والحلم عن الغيض ينجي الشياطين
يكفيك شر إبليس هـو و دحراتـه

يعطيك العافيه